ஸ்ரீ வீர ஆஞ்சநேயர் சன்னதி

ஸ்ரீ வீர ஆஞ்சநேயர் சன்னதி,கிழக்கு திசை நோக்கியவாறு வடக்கு முகமாக மிகவும் பழமைவாய்ந்த மற்றும் முதன்மையான தெய்வமாக அமைந்துள்ளார். இவர் மிகவும் சக்திவாய்ந்த ஆஞ்சநேயராக பக்தர்களால் கருதப்படுகிறார்.

அருள்மிகு ஸ்ரீ வீர ஆஞ்சநேயருக்கு மட்டைத்தேங்காய் முடித்துவைத்து ஒரு மண்டலம் (48 நாள்)கோயிலை வலம் வந்தால் நினைத்தகாரியங்கள் (குழந்தைபாக்கியம், திருமணம், கல்வி, தொழில், கடன் பிரச்சனை, உடல் ஆரோக்கியம், வியாபாரம்) விரைவில் கைகூடும்.

ஸ்ரீ ஆதிகேசவப் பெருமாள் சன்னதி

ஸ்ரீதேவி பூதேவியருடன்,ஸ்ரீ ஆதிகேசவப் பெருமாள் தெற்கு திசை நோக்கியவாறு திருநின்ற கோலத்தில் சங்கு,சக்ர,கதா அபய அஸ்தத்துடன் அச்சாவதார ரூபமாய் எழுந்தருளி, பக்தர்களுக்கு காட்சியளிக்கிறார்.பக்தர்கள் வேண்டும் வரத்தை அள்ளித்தரும் வரதனாய் அமைந்துள்ளார்.

ஸ்ரீ தும்பிக்கை ஆழ்வார் சன்னதி

இந்த திருக்கோயிலில் உள்ள விநாயகர்,கிழக்கு திசை நோக்கியவாறு பச்சைக்கல் வலம்புரியுடன்,திருநாமம் சாத்திக்கொண்டு தும்பிக்கை ஆழ்வார் சொரூபமாய் எழுந்தருளிவுள்ளார். இவ்விநாயகர், அரசமரம் மற்றும நாககற்கள் சேர்ந்து அமைந்துள்ளதால் இவை மூன்றையும் சேர்த்து வலம்வருவதால் அனைத்து காரியங்களும் வெற்றி நிச்சயமாக கிட்டும் என்பது பக்தர்களின் பிரத்யக்ஷமான உண்மை.

குழந்தை பாக்கியம் பெறவேண்டும் என்பவர்கள் இந்த ஸ்தலத்தில் இந்த மூன்று தெய்வங்களையும் காலை (5.30-6.30AM) மணிக்குள் ஒரு மண்டலத்திற்கு(48 நாள்) கணவன் மற்றும் மனைவி இருவரும் சேர்ந்து வலம்வந்தால் நிச்சயம் குழந்தை பாக்கியம் பெறலாம்.